全民造星IV｜何佩莎莎慘被淘汰　梁祖堯Foul燒賣唔想耽誤佢學業

《全民造星IV》昨晚播出的一集，導師許廷鏗（Alfred）和梁祖堯要公布被Foul的15位參賽者，Alfred要Foul 6位包括Jade、Vicky、何佩、Tania、Mei Ｍei以及阿YO。而梁祖堯就要Foul 9位，分別係燒賣、鐵鐵、Miko、Carina、蘇菲、Sarah、莎莎、Jolin以及Ling。

而新一輪比賽將由40強淘汰10人到30強，亦將繼續小組對決，兩組導師各分成5隊進行自選項目和指定唱歌項目。不過foul人方面節目組又有新搞作，將由兩位導師首先決定每組淘汰人選，然後在比賽前統一公布，如果輸咗的組別，就會採用名單的人選進行淘汰。第三輪評判將由吳雨霏、卓韻芝、C AllStar的On仔、伍仲衡及陳詠燊擔當。第一隊出埸是由Candy、Ashi、阿蛋及Kinki組成A2組對由Hannah、馬欣以及方方組成的B1組，兩組的淘汰人選分別是阿蛋和Hannah，Alfred揀阿蛋：「佢係第一個令我知道有態度問題嘅人，人生成長上佢未真正跌過。」