古天樂新戲內親身拍旋風式動作戲嗌甘 洪金寶大讚進步不少成老手

古天樂（古仔）、洪金寶、任賢齊、林峯、劉俊謙、黃德斌、張文傑等，今日一同出席鄭保瑞執導新戲《九龍城寨‧圍城》的開鏡儀式，古仔透露在新戲中有很多動作武打戲，笑言十分「甘」，而這部新戲因以剛陽味重主，故以男演員為主，而所有參演的演員都很辛苦，因用了一年時間去練打，大家也會親身上陣演出動作戲，除非是相當高難度動作或有危險性先會由替身代勞，古仔表示：「我戲裡啲動作好似旋風咁快，但ok啦！因為都有少少武打經驗。」劇組重新搭建整個九龍城寨城景，古仔笑言每日置身拍攝現場都很開心，因為擺放了很多80年代的雜誌及電視等道具，自己則覺得很有感覺。

古仔和洪金寶曾在電影《殺破狼‧貪狼》合作，洪金寶笑指古仔進步不少，現在已變成老手，而他今次亦有些武打戲，但拍打戲會否吃力？洪金寶搞笑謂現在跟大家說話都感吃力。導演何以打動他演出？洪金寶笑說：「俾錢就打動到我啦！」

譚詠麟（阿倫）近日捲入桃色事件；指搭上內地粉絲，可有跟阿倫聯絡？洪金寶說：「呢排少啲，我啱啱由上海返嚟5日。係唔係真我唔知，好多嘢唔信得，好多人話我49年出世，又話我前妻點樣？拎第二個女人張相話係我前妻，咁你話信唔信呀！又話洪金寶老、成龍好老，講嗰個人唔會老！係呀！因為佢會好快釘咗（指離世）。」