鄭俊弘避談何雁詩做第三者 爆太太婚後轉變大會分擔家務

鄭俊弘（Fred）和菊梓喬（Hana）明年元旦有份參與《聲夢維港Party Together演唱會2022》，今日齊齊出席記者會。鄭俊弘對於太太何雁詩日前在頻道節目重提當年被指介入他與未婚妻成第三者，更首次承認曾與謝東閔拍拖，鄭俊弘說：「我冇睇到，事前佢有同我講會上節目，但唔知內容，呢個唔清楚！（會否叫太太封嘴！）我哋依家開開心心結咗婚，過去嘢唔好提。」
問到可覺太太說話不經大腦？Fred笑指太太為人一向「大頭蝦」，做事有點疏忽又亂，更踢爆太太日前吃飯後竟然主動執枱，簡直是天大喜訊。他說：「唔知佢黐咗邊條筋？但係開心嘅！不過第日打回原形，當時我反應都O嘴，但結婚後佢有改變，平時唔會放狗，依家會同我分擔家務，仲係佢煮飯，我會洗碗。」

此外，11月24日剛度過35歲生日的Hana，笑言原本打算跟妹妹及友人一起露營慶祝，礙於天氣太凍，搞到無人夠膽去，而近兩星期的工作亦排得好滿，所以有待明年再計劃露營慶生。

Hana表示有機會參與元旦演唱會覺得很開心，希望能夠跟其他歌手合唱，雖然自己跳舞手腳不協調，但都想跟隨音樂擺動兩下。談到吳若希指跟她「唔啱Key」，皆因音域不同，Hana解釋自己音域較低，反而對方則唱高音，所以音域不夾，希望稍後有歌曲的音域較闊，亦不抗拒一起合唱。