鄭何婚宴│胡鴻鈞聞蔡思貝上台伴舞心驚驚揚言唔想有驚喜

2021-11-07 22:30

胡鴻鈞（Hubert）今晚為好友鄭俊弘與何雁詩的婚宴擔任表演嘉賓，與星夢前高層何哲圖和余詠珊前後腳到場，三人應記者要求大方合照，沒有表現尷尬。

Hubert笑稱今次是入行以來首次免費唱歌，並口多多說：「我哋識咗好多年，好好交情，下次結婚再搵我會收返錢。」胡鴻鈞看見一對好友步入人生另一階段感到高興，並催促二人快些生小朋友。

蔡思貝受訪時透露會上台伴舞，胡鴻鈞聞言即謂：「有呢part咩？咁就要收返何雁詩錢，要安撫返我心靈，驚嚇吖嘛，最緊要玩得開心，知道今晚有好多高層、監製，我當工作一樣，會嚴陣以待，希望唔好有咩驚喜，唔需要。」胡鴻鈞否認抗拒蔡思貝伴舞，又指如果一早安排沒問題，不想屆時有驚喜會好驚，相信蔡思貝不會因此而嬲。