何雁詩被逼供首認曾跟謝東閔拍拖 與Fred為避追訪匿車尾箱

何雁詩近日接受陳志雲YouTube頻道節目訪問，當中她不避嫌重提當年被指介入鄭俊弘（Fred）與未婚妻成第三者的事件，還首次公開承認曾與謝東閔拍拖。何雁詩指跟Fred一早認識，及後兩人同屬一間唱片公司才熟落，又因經常見面而撻着，她更主動謂：「當時我問佢咁我哋依家嘅關係即係點，不如我哋試吓喺埋一齊。」但兩人拍拖後，Fred被爆出有未婚妻，何雁詩即時被狠批是搶人老公的小三，她重申自己當時根本不知Fred有女朋友，又自爆當時被追訪壓力很大：「因為嗰時有記者喺屋企外面等，結果我哋問朋友借咗架van仔，我同Fred出入就瞓喺車尾匿埋。」幸好當時兩人獲家人支持，最後度過難關。

訪問中何雁詩更直認因為Fred靚仔才喜歡他，她還笑說TVB的確有不少靚仔男同事，陳志雲隨即問：「你係咪同過謝東閔拍拖？」何雁詩聞言後只露出尷尬笑容，未有否認：「我從來冇公開認過㗎喎！」之後才坦認的確曾跟謝東閔相戀，但她明顯不想多談，只讚他是一個很好的男仔。