聲夢JUNIOR丨34歲菊梓喬被13歲小學員追求 自嘲好快變嬸嬸

菊梓喬（Hana）今日在將軍澳電視城為TVB新節目《聲夢JUNIOR 》錄影，Hana會擔任惡魔訓導主任，她語帶無奈說係被迫嘅，因平日的她十分善良，試過要聽指令向學員說：「邊個曳就淘汰邊個！」嚇得學員嚎哭，要立即送上呵護。

過幾日便35歲嘅Hana自爆有13歲學員童文（Ricky）追求，她笑說：「我話等佢大個先，到時我就真係嬸嬸喇！」而Ricky與Hana合照時做出心心動作，公開示愛，表示好鍾意Hana，並說：「我叫過Hana姐姐follow我IG，但佢唔follow我，我大個會追Hana姐姐。」令在旁Hana面露尷尬神色。

另外，谷婭溦曾不滿公司投放資源喺聲夢學員上而遭受冷待，Hana懶理是非，指連日忙於工作，不覺空閒，她希望可以繼續出歌，提到過往Hana包起唱劇集主題曲，她自言真的唱得太多，可以將機會交給其他人。