青春本我丨曾志偉准炎明熹現身ViuTV 睇好奪新人獎

2021-11-21 22:55

TVB總經理（節目內容營運）曾志偉今晚現身青春校園劇《青春本我》慰勞宴，百忙中抽空到場的他表示是專誠來鼓勵一班小朋友，但得知Gigi炎明熹下午在活動中不適倒下，即一臉愕然，礙於有事要先離開跟炎明熹緣慳一面，未能慰問。他關心說：「真嘅？咁應該要休息一下，呢一年嚟佢哋的確轉變好大，由一個小朋友變到大家都認識，仲要返學同拍戲，但始終係小朋友，必定會辛苦，應該盡量畀佢哋有得休息，我返公司會了解一下。」

談到Gigi將出席1月1日舉行的叱咤頒獎禮，並角逐新人獎，由於節目由ViuTV直播，外間關注到Gigi分分鐘成為在友台亮相的首位TVB藝人。志偉表示狀況如同金像獎、同樣是在ViuTV轉播，TVB的合約藝人同樣可出席，一件事還一件事，攞獎更是開心事，並指也看好Gigi奪獎，而獎項對新人能起到鼓勵作用。志偉續說會繼續為聲夢學員安排工作，吸收經驗，如港姐每一屆都會成為「過氣」，所以要把握時機爭取上位。