Ian直認恨拍電影 若跟劉青雲合作唔介意零片酬

MIRROR成員陳卓賢（Ian）今日出席活動，剛巧撞正隊友盧瀚霆（Anson Lo）同時間舉行電影《假冒女團》首映禮，不過卻沒有被分薄「鏡粉」的人數及支持，吸引逾500多位Hellosss（粉絲暱稱）圍觀，相當熱鬧。
談到與Anson Lo「打對台」，Ian即說：「首先要恭喜佢，呢部係佢第一部電影，好戥佢開心，我都會支持捧場，亦好開心每個成員開始各有自己嘅工作，甚至可能喺同一日內大家有唔同嘅工作，真係百花齊放，大家會互相支持同開心，所以唔係咩打對台。」可會接受到如Anson Lo一樣，在戲中犧牲型仔形象反串扮索女？Ian表示：「即使男扮女都唔算係自毁形象，雖然大家可能覺得我哋有偶包，但為咗角色及喜劇嘅需要，都係要付出。」

有傳Ian接拍驚慄喜片《死屍死時四十四》，但他表示仍未有收到通知，但承認很想進軍大銀幕；並希望處男電影是動作片，因自小已覺拍動作片很有型，加上一直有打籃球，對於手腳協調方面也有信心。談到最想合作的藝人？Ian謂：「有好多前輩都想合作，當中最希望合作嘅係劉青雲，因為聽好多片場前輩講，劉青雲為人好冷靜，每一刻都構思劇情、好認真對待每一個細節，並且佢拍嘅戲都好有型，好想跟前輩學習，如果有機會，零片酬我都願意。但可惜至今連見面嘅機會都未有，好想同呢位前輩見面，相信我如果見到應該會開心到唔識反應！」