為「張馨予2.0」解畫 吳卓羲否認戀菊梓喬：唔通tag完就要結婚咩？

吳卓羲（Ron）昨日（10日）忽然於凌晨4時零4分、在社交平台上沒有任何留言下tag菊梓喬（Hana）。這個「凌晨tag」隨即引發網民熱議，Ron疑刻意公開認愛，又或是稍後有合作，更有猜測是「張馨予2.0」用Ron帳號宣示主權的翻版。Ron今日出席活動時親自解畫，指是一場誤會。

Ron現身時明顯有備而戰，被問到是否應恭喜他成功脫單？他即澄清道：「因鄧智偉關係，我認識咗菊梓喬幾年，但社交網上一直冇互相關注，當晚我喺開工刷手機，見到佢個名，因此就關注佢後再加tag，我以為tag就係通知佢已經關注咗。其實我唔太識得玩社交平台，加上我手指頭大，很容易撳錯。」

Ron稱社交平台一向是由經理人代勞，認為大家想多了，他續說：「總之今次係大家諗多咗，冇諗到一個tag就引起咁多揣測，甚至講到係2.0版，好好笑！（張馨予2.0版？）係呀。」有傳Ron和Hana曾被撞在大埔一起逛超市？他說：「我自己就經常去嗰個超市，但冇同佢一齊去過，總之人哋講乜我控制唔到。（有否就事件聯絡？）我有同佢講鬧出咗啲誤會，佢聽完又冇特別，只答咗一聲『哦』。（有沒有失望？）冇問呀，唔通tag完就要結婚咩？總之以後睇清楚先撳掣。」至於事發當日，他未有回覆傳媒，他稱因會出席活動，打算一次過親口解釋。

問Ron對Hana有否好感？Ron只讚對方唱歌好聽，也希望可以合作；但是否喜歡的類型及有否發展機會等一概不答。至於感情狀況，他表示不想多談，但直認仍在揀選另一半中。