獨家丨黃翊講明勁飆高音晒歌藝 唔避忌搵蔣嘉瑩做個唱嘉賓

2021-11-22 01:00
黃翊唔避忌,搵埋經理人蔣嘉瑩做個唱嘉賓。
黃翊唔避忌,搵埋經理人蔣嘉瑩做個唱嘉賓。

54歲的黃翊將於11月27日假麥花臣場館舉行《最愛的你2.0》演唱會,之前因為同經理人蔣嘉瑩坐喺公園傾公事,一度惹嚟「嗒人妻」小風波,好彩謠言止於智者,兩人強調行得正、企得正,日後也毋須避忌,所以蔣嘉瑩仍然是個唱嘉賓之一。問到會否搵埋傳過緋聞嘅康子妮現身?黃翊卻避忌說:「Rundown冇呢個安排。」採訪:方騫平 攝影:沈健程

林曉峰與康子妮驚爆離婚,黃翊竟更被指係「第三者」,好彩獲老婆信任。
林曉峰與康子妮驚爆離婚,黃翊竟更被指係「第三者」,好彩獲老婆信任。
MIRROR係新生代歌手代表,黃翊希望大家嘗試聽吓佢哋啲歌。
MIRROR係新生代歌手代表,黃翊希望大家嘗試聽吓佢哋啲歌。

3年前,黃翊的《最愛的你》演唱會反應唔錯,原先想乘勝追擊,只可惜受疫情影響,演出無期,不過經已有齊Rundown放喺個腦度備用,直至月前做完羅敏莊個唱嘉賓獲主辦單位邀請開show,因而火速成事。

樂壇百花齊放先好玩

除咗唱歌跳舞,今次黃翊會挑戰高難度,揀選張信哲、蕭煌奇嘅勁飆高音歌嚟唱:「自己唱高音都比較穩陣同有層次,希望可以晒吓歌藝。好多人成日講唔知新一代唱乜,搞到再冇興趣聽歌,我反而覺得唔同時代興唔同嘅嘢,大家要放開胸襟去進入佢哋嘅世界,聽吓佢哋表達乜嘢,大家各師各法冇話好唔好,係要百花齊放。而我係聲樂班底出身鍾意挑戰難度,要唱到青筋現晒先過癮。」對於喉嚨有個水囊,他表示唔會影響到唱歌,但醫生叮囑他要放鬆自己,好好休息!另外,到時太太陳存正及兒子都會捧場,笑言喺阿仔面前威吓。問到會否請埋康子妮做嘉賓,合唱同時澄清吓緋聞?黃翊即耍手擰頭:「唔會喇!傳聞又唔係事實,而且所有嘉賓都定晒落嚟。」

黃翊揚言會唱到青筋都現晒。
黃翊揚言會唱到青筋都現晒。
黃翊堅持行得正企得正,唔怕跟經理人蔣嘉瑩傳緋聞。
黃翊堅持行得正企得正,唔怕跟經理人蔣嘉瑩傳緋聞。

3年前嘅《最愛的你》演唱會有李克勤做表演嘉賓。
3年前嘅《最愛的你》演唱會有李克勤做表演嘉賓。
之前為羅敏莊個唱做嘉賓後,獲主辦單位邀請開騷。
之前為羅敏莊個唱做嘉賓後,獲主辦單位邀請開騷。
妻兒係黃翊鐵粉,到時一定嚟捧場。
妻兒係黃翊鐵粉,到時一定嚟捧場。
關鍵字

最新回應

關鍵字

相關新聞

熱門文章