ANSONBEAN 21歲生日做善事 幫病童實現夢想

ANSONBEAN（陳毅燊）出道短短半年，已推出兩首個人單曲《CRUSH(oh no!)》與《you made my day》，同時獲邀接拍電影與電視劇，成為今年新人王之一。明天（22日）是ANSONBEAN的21歲生日，同時是他入行後的首個生日，意義重大，ANSONBEAN趁着這個特別的日子，選擇到願望成真基金「make a wish」於中環置地廣場慈善義賣的攤位當店長，身體力行籌款幫助病童實現夢想。原來ANSONBEAN過往的生日都過得很不平凡，當中更有着不愉快的經歷，所以今年特別期望過一個有意義的21歲生日。
義賣當日一班「豆粉」（fans暱稱）也趁着假日到場支持，除了踴躍購買義賣物品，他們更準備了生日蛋糕及為偶像唱生日歌，ANSONBEAN拿着蛋糕閉起雙眼許願，許了差不多一分鐘的願望，他笑言不可隨便透露：「我唔可以講我嘅願望，因為怕唔能夠實現，但大咗一歲，都希望自己可以有啲好嘅轉變，想試吓變得穩重啲，同大家講嘢可以放鬆啲、唔好太緊張，要食多啲嘢，要大隻啲。」

問到ANSONBEAN過往不愉快的生日經歷，他說：「記得喺18歲生日嗰年，喺英國仲同個好朋友爭執，最後仲令到大家冇朋友做，呢個經歷真係好深刻。正因為咁，今年生日都係平常心，但都好想做少少嘢幫吓人，見到大家支持，好開心呀！真係既興奮又刺激！」ANSONBEAN透露生日後就接了一部電影，是一個比較重戲份的角色，會努力投入去做，希望挑戰成功：「生日當然會同屋企人食飯慶祝，入咗行有能力，都希望趁住生日請屋企食大餐！」