韓韶禧貴氣公主Look提前賀牛一　收兩個蛋糕又食大餐

韓國女星韓韶禧今年憑藉主演《無法抗拒的他》與《以吾之名》，成功人氣急升。本月18日，是韓韶禧的27歲牛一，可能正日有工開又或者本身已有約，所以朋友都提早同佢慶生，見佢Po咗幾張生日Party嘅相。相中，着上低胸碎花裙、戴咗生日帽及一set寶石耳環及頸鍊的壽星女拎住花，在「HAPPY BIRTHDAY」的汽球前自拍，好靚呀。

韓韶禧亦有上載好多相，有生日蛋糕相、有紫菜湯、同埋好多食物相，其中一個蛋糕估計由朋友設計，因為蛋糕上佈滿如鬼劃符的字，更寫著「韓韶禧我愛你」，又畫上韓韶禧嘅樣，朋友仔都好有心喎。