林家棟拍太多題材沉重電影 不自覺變成苦瓜乾

林家棟昨晚（20日）為新戲《智齒》謝票，稍後要再走兩場謝票，雖然剛收工，但看到觀眾入場支持就覺得開心。家棟透露正與郭富城及任賢齊拍攝新戲，已連續兩日早上6點開工，笑言剛開工就拍到「謝」，因戲中有不少追逐和跑跳的動作場面，又要駕駛一部殘舊的士，他說：「我呢幾年拍幾多愁眉苦臉嘅戲，今次拍一部有喜感嘅新戲，個人都開心啲，無咁壓抑，雖然我無拍到抑鬱，但沉鬱的電影拍得多，都會苦口苦面，自己不覺，但朋友會見到我都話我唔似以前咁笑臉迎人。會不自覺唔開心都正常，所以希望之後拍多啲開心嘅戲電影。」

此外，家棟又提到新戲預計聖誕前後拍完，聖誕節能否放假要視乎情況，但假期開工都開心，因收錢開工。除了拍戲之外，家棟也忙於看劇本，希望明年再監製電影，笑指不少人嫌他監製的產量少，他則自認是麻煩友，不希望觀眾看行貨。