独家丨林海峰彭羚低调放狗当拍拖 结婚23年车爱犬去商场轻玩10分钟

54岁的林海峰(Jan)及52岁的彭羚(Cass)结婚23年，家有两个女，分别系21岁的林泳及16岁的林清，同阿妈好似饼印的大女9月已回英国开学，细女都有自己世界，老夫老妻闲时做咩?放狗罗。两公婆好锡贵妇狗Millie，一家之主会带佢去跑步，近年玩Gyrokinesis和Gyrotonic运动玩到唔识老同肥嘅林太，喺佢IG都会经常见到Millie踪影。日前傍晚6点，林氏夫妇特登揸车载Millie去浅水湾商场嘅狗乐园玩，轻玩10分钟就返归，低调放狗当拍拖，人同狗都松一松，几好吖。采访:张咏森

讲起彭羚，00后应该唔太识佢，林太系90年代乐坛天后，有巨肺加一把靓声，98年事业巅峰期下嫁才子名DJ林海峰，随即封咪退隐，多年来绝迹幕前，全心做林太相夫教女，12年激罕出山为老友黄伟文作品展担任两场嘉宾，再上台大受欢迎，娱乐公司群起高价抢邀出山开骚，最终因为老公唔畀复出无望。

新兴玩意玩到好Fit
唔唱歌都大把嘢做，话咁快两个女林泳及林清都大个，大个女有自己世界，近年林太迷上新兴的Gyrokinesis和Gyrotonic运动（又称禅柔运动或脊椎螺旋运动），孙艺珍同欣宜都锺意玩，因为可以增强肌肉同改善血液循环，难怪52岁仲咁Fit。

望住爱犬走嚟走去
当晚6点，林氏夫妇同Millie现身浅水湾商场，此行目的系带狗狗去狗乐园玩，两人放低狗狗后就坐埋一边等，两公婆唔多交谈，但都无话各自揿电话，而系一齐望住爱犬玩，或者用电话同爱犬影相，Millie玩咗10分钟就散场，同其他狗狗一齐行去主人身边，林氏夫妇随即带Millie上车返归。