黃宗澤拍外景有大膽貓企上膊 蔡思貝留言你就好啦

黃宗澤(Bosco)正跟王敏奕拍攝新劇《法證先鋒V》，近嚟唔太熱夜晚仲幾涼爽添。尋日Bosco等埋位前，有位「朋友」爬咗上佢膊頭，邊個咁大膽？係一隻有頸帶，叫燒賣嘅黃白色貓貓，之前已經同王敏奕拍過對手戲，勁嘢嘅嚟。

Bosco留言：「呢位小朋友相當招積喎！點解你咁鍾意企喺人膊頭嘅！」Bosco上載咗三張同小朋友影嘅合照，貓貓唔怕生保，企喺Bosco膊頭仲企得好定，蔡思貝留言，「你就好，有得同貓貓做戲。」聞到好大陣葡萄味喎。