吳彥祖重拾興趣 做埋職業賽車手

　　(星島日報報道)吳彥祖（Daniel）與太太Lisa及女兒Raven搬回美國生活，近年因為疫情關係，未能返回香港工作，卻令吳彥祖重拾對賽車的興趣，甚至成為了職業賽車手，他謂：「其實一直好鍾意賽車，但以前住香港，冇機會接觸。」好友馮德倫得知他的經歷，於是幫手製作了《吳彥祖的速度之旅》紀錄片，紀錄他的轉變及比賽過程，他說：「今年參加咗六場團體賽，暫時我哋總成績排第二位，希望可以一直保持。」

　　賽車有一定危險，太太Lisa可有反對聲音？他說：「其實賽車係快，但唔算危險，起碼我車有防滾架、有頭盔、有頸箍保護，相比Lisa騎馬，得個頭盔、跳馬完全冇保護，所以Lisa無特別意見。」他更表示等多一年，等待不需要隔離便可以回港拍戲。