胡鴻鈞談緋聞女友蔡思貝被富豪狂追：我追一個更富有嘅

胡鴻鈞（Hubert）和謝嘉怡（Lisa）今日一同出席影院揭幕禮，二人獲贈「全年電影通行證」。下月即將舉行首次個人演唱會的Hubert表示快將閉關，全心全意為個唱做好準備，他透露跳舞環節佔演唱會四分一，下星期正式上堂排舞：「朋友問會唔會有驚喜，我希望唔係驚嚇，所以叫排舞老師早少少排練，希望跳舞環節俾到大家驚喜。跳舞對我有一定難度，但我都叫排舞老師俾多啲挑戰我，唔使就住我。」

對於緋聞女友蔡思貝被指搭上富商，Hubert表示：「我睇新聞先知，唔會八卦呢啲嘢，因為係好朋友就要俾空間，我一向都係你想講就講，唔想講就唔使刻意，最緊要開心。」女方被指「一腳踏兩船」，Hubert謂：「我會戥佢唔開心，呢啲大傷害性嘅字眼，如果我係佢都會唔開心，希望佢唔會太受影響，專心工作。」問到若蔡思貝被富商成功追求怎辦？胡鴻鈞笑說：「咁自己又追返個富商，我就再追一個更富有嘅富商。」而Hubert亦坦認仍有將家姐的跑車借給蔡思貝使用。

而Lisa父母亦現身活動 在台下為愛女打氣，談到最近參演TVB處境劇《愛．回家之開心速遞》，Lisa自覺廣東話仍未夠好，她指有時會找爸爸幫手排戲，但笑指他「老花」看不清劇本。