黄宗泽拍外景有大胆猫企上膊 蔡思贝留言你就好啦

黄宗泽(Bosco)正跟王敏奕拍摄新剧《法证先锋V》，近嚟唔太热夜晚仲几凉爽添。寻日Bosco等埋位前，有位「朋友」爬咗上佢膊头，边个咁大胆？系一只有颈带，叫烧卖嘅黄白色猫猫，之前已经同王敏奕拍过对手戏，劲嘢嘅嚟。

Bosco留言：「呢位小朋友相当招积喎！点解你咁锺意企喺人膊头嘅！」Bosco上载咗三张同小朋友影嘅合照，猫猫唔怕生保，企喺Bosco膊头仲企得好定，蔡思贝留言，「你就好，有得同猫猫做戏。」闻到好大阵葡萄味喎。