岑珈其結婚一週年紀念 冧爆愛的宣言：人生最大福氣

「爺爺」岑珈其最近真係去到邊都見到佢，忙完《試當真一週年現場版》，睇電視ViuTV《膠戰S2》又見到佢。事業穩步上揚，珈其都要多得屋企嘅賢內助，令佢可以無後顧之憂咁努力工作。

噚日（11月1日）喺珈其同太太李桂玫嘅結婚一週年紀念，佢喺IG上載一家三口合照，抱住熟睡中嘅囝囝，笑咪咪留言：「一週年紀念快樂，能夠娶到太太同有臻臻，係我人生最大嘅福氣I love you❤️ #11月1號」。而相片就係由好兄弟游學修所拍，好溫馨。