胡鴻鈞婉拒蔡思貝伴舞 操爆肌歌衫不設底線

胡鴻鈞（Hubert）定於11月26日及27日在Star Hall舉行《胡鴻鈞 2021 The Day After 演唱會》，在今日舉行的記者會上，獲TVB高層何麗全和樂易玲送贈喻意一飛沖天的火箭模型作紀念品。

Hubert在結婚進行曲的音樂下出場，喻意是其大日子，他稱因今次是入行10年、終於迎來人生首個個人演唱會。司儀麥美恩指他的身形看似大隻了，屆時會否騷腹肌？立即引起現場粉絲狂呼；Hubert直認身體各部份的肌肉都結實了，但操fit是為健康、不讓自己在這段時間生病及希望以最佳狀態示人；不過亦透露跟服裝設計師講明歌衫不設底線！

當大會播出張敬軒、林欣彤、吳業坤、馬國明和吳若希拍片道賀及鼓勵後，表演嘉賓的鄭欣宜和炎明熹（GiGi）也有拍片，Hubert笑言之前一直要講大話說不知表演嘉賓是誰，今次終於可曝光了，笑說：「請欣宜係冇難度，反而GiGi就有壓力，因對方無論係音樂或個人修養上，都係近幾年見過最出色嘅小朋友。」

提到欣宜在片中表示若Hubert肯除衫和跳舞，她做甚麼也願意肯配合，Hubert笑謂：「佢除我咪除囉！大家真係好關心我會唔會除衫，我只可透露一定會有驚喜。（唔除衫除褲？）說出重點來了，係...一定唔會，無謂嚇親人，不過我都唔介意係咪要除衫，我一直有做運動，就如皇上（張敬軒）所講，係對自己同觀眾嘅一種尊重。」至於跳舞亦不介意，他笑指今年已不斷虐待大家的眼球，在網上或表演都有跳舞，自己也想求變，就當作是挑戰自己及大家的極限。笑問屆時會否突變「狂野之鈞」？他稱很難界定，但會讓大家看到自己之前未見過的另一面。問到會否邀請緋聞女友蔡思貝捧場？他大方指所有緋聞男女朋友都會邀請。對於蔡思貝揚言肯為他為伴舞，他打趣道：「很難集齊《到此一遊》MV的5位女藝人在舞台上重演，請一個都搞唔掂，都係唔使喇！」

另外，說到他受公司寵幸，獲安排11月雙喜臨門，除了舉行處男騷、主演的劇集《十月初五的月光》更成為台慶劇；Hubert自言也感驚訝及喜出望外，因劇集剛拍峻，以為明年才播放。問到是否為他奪視帝造勢？他即謙稱能參與重拍一部經典劇已是一頂好大的高帽，現在還成台慶劇更是意外收穫。