王菀之伍仲衡出碟紀念逾20年友情 拍MV表演四手聯彈

為了紀念逾20年的友情，王菀之（Ivana）與音樂人伍仲衡合作炮製音樂企劃，名為「仍然記得嗰一次」專輯，碟中收錄了Ivana演繹的12首歌，當中6首是伍仲衡的作品，其他則是顧嘉煇、黎小田、林子祥、林敏怡、李宗盛和許冠傑等殿堂級前輩的作品。日前Ivana和伍仲衡為《假如讓你吻下去》和《倒數》拍MV，《倒數》是鄭秀文《時間之光》的Demo版，拍攝MV期間兩人即興四手聯彈，把現場變身鋼琴演奏會。

Ivana和伍仲衡一見面即搞笑互窒，伍仲衡謂：「Ivana把聲好獨特，佢唱歌好細聲，有時喺錄音室都聽唔到，支咪要校到好大聲。」Ivana聞言即謂：「我都係因應你要我咁唱之嘛，要唔要我依家表演爆咪？」今次新碟內伍仲衡還初試啼聲，跟Ivana合唱《仍依記得嗰一次》，他笑說：「係我人生第一次錄歌，可能亦係最後一次。」

此外，伍仲衡本月16和17日在九展Star Hall舉行兩場《伍仲衡再搞花臣音樂會》，籌備如火如荼，除了忙於音樂上的準備外，伍仲衡亦要找合適服裝及鞋上台演出，結果近日獲日本品牌的香港代理，贊助靚鞋給他，日前伍仲衡便專程前往揀鞋。