Jer仔女友突然感性 貼5年前旅行舊相多謝男友

MIRROR雖然好紅，但冇話收埋女友唔講得，而家Fans好明白事理，最緊要偶像開心，長情專一仲會加分添，好似阿Jer(柳應廷)咁。阿Jer曾經喺訪問講過為令女友Kelly安心，一唔使開工就會畀晒啲時間佢，之前《頭條娛樂》就曾影到阿Jer同女友去行街Shopping，講得出做得到，阿Jer真好。

尋日，Kelly突然感懷，在社交平台貼咗幾張同男友5年前去日本旅行嘅相，留言，「嗰陣時去東京迪士尼係15周年，而家眨吓眼就20周年，我相信大家係呢個地方感覺都冇變到，依然單純，可愛。」所講嘅單純可愛除咗講主題樂園外，應該都有啲暗示同男友嘅關係，仲話「一直以來都係一個好感性嘅人，好多時候都會直接將嗰份情緒表達出嚟。經歷越多，越收埋自己，從來都唔想發生係自己身上。今晚情感盡現，因為睇到一條小小嘅片段令我諗起大家嘅所有回憶。多謝你。」呢個你當然係阿Jer啦。

Fans見到都讚Kelly好Sweet，仲祝福佢同阿Jer永遠幸福快樂。