楊卓娜開工餵蚊 送繼女出國讀書勁不捨：要一年後先見

楊卓娜2009年為「廣告燈箱大王」楊志翹誕下女兒楊舒然（豹豹），至今一直未有註冊結婚，但楊卓娜完全沒有介意，還很疼愛楊志翹與前妻所生的兩名女兒，並視如己出，組織五口之家。

被譽為「最強繼母」的楊卓娜，日前在社交網上載全家福，原來繼女Emma要赴德國升學，並要離開屋企人一年，令大家都好不捨，在機場攬攬送別。楊卓娜寫道：「入閘啦！要一年後先見啦！好多唔捨得！祝福Emma家姐平安到步Frankfurt，在彼邦享受愉快的學習旅程！」

另外，昨日國慶節，楊卓娜的節目就是為新劇《童時愛上你》拍外景，她穿上一件low cut靚裙加上閃耀首飾更見明艷照人，但她卻唉聲嘆氣謂：「我開緊工、餵緊蚊同抖緊涼，熱到我哋冇地方匿，要匿喺條斜路......今日唔知幾度，我諗30幾度，有風冇咁熱，但未開始拍個妝已經融晒，希望快啲埋位啦！」雖然辛苦，但網民卻讚她「依然好靚」。