鍾達茵做和音要收埋靚聲 跟主音擦出火花：聽唔到我把聲就啱

音樂人鍾達茵（Pam）前晚（9月30日）接受黃婉曼（Icy）的Facebook直播訪問，Pam帶來木結他自彈自唱，並任網民點唱。Pam早於2007年開始做幕後工作，曾替不少歌手的演唱會做和音，2020年用獨立歌手身份推出歌曲《明明愛你》，她近日剛完成太極和Dear Jane的演唱會。
Icy好奇問Pam出騷時「蝦碌事」，她坦言試過肚痛，要趁空檔位趕急去廁所：「Joey（大極成員鄧建明）訓練下唔錯得，始終係live，如果有錯就要互相扶持。」Pam重提Dear Jane主音Tim日前一晚發生褲子爆軚事件，「Tim跳落台但就爆軚，我哋笑到好開心，其他成員就唱住歌，佢趁機快快入去換褲。」

問入行14年的Pam跟哪位歌手做騷最正？她賣口乖：「答就得罪好多人，個個騷我都好鍾意。」Pam雖擁有一把靚聲，但唱演唱會和音就會稱職做好本份，她謂要跟主音擦出火花：「聽唔到我把聲就啱，凸聲就唔係我本份。玩音樂好講情緒，遇到一班啱嘅人真係好開心」Icy大讚她沒喧賓奪主。此外，Icy在節目尾段送上蛋糕，提前為Pam預送生日，壽星女笑不攏嘴。