水警殉職|梁振英斥李文浩「點計ot」論喪盡天良 團體舉報促嚴查

2021-09-28 15:55
李文浩(左)、梁振英(右)。資料圖片
李文浩(左)、梁振英(右)。資料圖片

一艘水警快艇上周六(25日)被走私艇撞翻,女高級督察林婉儀不幸墮海失蹤,遺體昨日(27日)在大嶼山二澳海面尋回。拒絕宣誓被DQ的前深水埗區議員李文浩發帖,稱「諗起佢有咁多ot真係戥佢開心」,言論惹來多方不滿。其中前特首梁振英呼籲全城聲討,團體香港政研會更表示李文浩仇警,涉嫌違反《港區國安法》

李文浩於昨日在個人FB專頁發帖表示:「究竟ot係計撈返上水嗰一下? 定係計跌落去嗰下先?如果計跌落海嗰下,佢未即刻死,都叫做執緊勤。但如果計撈返上嚟嗰一下,咁你下年都未搵到,咁咪好襟計。公帑嚟嘅,計清楚好啲。」

李文浩續稱:「跌落水全城歡呼係事實,冇得強迫人唔開心㗎喎,睇街坊民情就可以知道,幾多人想睇住佢哋死。仲有,啱啱跌落水嘅時候唔敢出post慶祝,驚唔小心燈到佢自己爬返上水,而家就可以啦。我開心冇犯法喇嘛,冇事我返出去幫你計ot喇喎。」

李文浩發表有關殉職水警言論,惹來多方不滿。網圖
李文浩發表有關殉職水警言論,惹來多方不滿。網圖

帖文刊登後惹起多方不滿。其中全國政協副主席、前特首梁振英在個人FB專頁上載李文浩言論截圖,並附上李文浩去年3月在區議員辦公室所張貼的「藍絲與狗不得內進」標語爭議節錄。梁振英呼籲:「全城聲討喪盡天良的李文浩,嚴正要求李文浩道歉並撤回有關言論。」

另外,團體香港政研會亦發帖,表示就李文浩在全民傷痛之際,發表涉嫌違反國安法、煽動仇警言論。該會認為已經有充分證據,並將派出代表,向警務處作出正式舉報,敦請警方嚴正徹查,將違法者繩之於法。

其後,李文浩今日中午於FB專頁再發帖,回應香港政研會言論。他稱,過去已先後被香港政研會舉報兩次,但之後都不了了之,認為「今次睇嚟都係冇料到㗎咋喎」。

梁振英呼籲全城聲討。網圖
梁振英呼籲全城聲討。網圖

香港政研會指言論違反國安法,將向警方舉報。網圖
香港政研會指言論違反國安法,將向警方舉報。網圖
關鍵字

最新回應

關鍵字

相關新聞

熱門文章