炎明熹新歌《真話的清高》上架迅即登上榜首 Rock直言狂Loop唔停

TVB《聲夢傳奇》三料冠軍得主炎明熹（Gigi）的第一首單曲《真話的清高》已經在今日（20日）正式上架，MV亦於今晚9點首播，fans當然熱切期待，第一時間去聽Gigi的新歌，《聲夢》的眾隊友當然落力支持兼捧場，而其他《聲夢傳奇》學員亦有在自己的IG Story幫Gigi宣傳新歌，當中何晉樂（Rock）更清唱了新歌的其中幾句，笑指已被歌詞「洗腦」，而張馳豪（Aska）亦在車上狂loop這首歌！

歌曲上架後，迅即登上本地流行新歌的第一位，有網民留言：「聽完Gigi首新歌，精采！廣東歌返晒嚟，已10幾年冇聽到首似樣嘅廣東歌Gigi加油！廣東歌加油！」「做乜乜接班人就會有一種無形壓力，形成一種無形的枷鎖，永遠活在別人的陰影之下，Gigi根本唔需要做咩接班人，她就是她自己可以獨當一面行自己的路！」、「堅好聽！已經loop咗接近兩粒鐘，自己都覺恐怖。 百聽不厭嘅旋律，接近陳奕迅《浮誇》嘅難度。感情豐富，變化莫測，細節豐富。 好似聽極都有細節未聽到咁。令人完全停唔到。黐線㗎！！」