視參加比賽為人生鍛煉 何晉樂:好想快啲有自己嘅歌

2021-09-09 22:00
何晉樂坦言從比賽至今,感覺像發了一場夢!
何晉樂坦言從比賽至今,感覺像發了一場夢!

TVB人氣節目《聲夢傳奇》第二季的的招募行動進行得如火如荼,近日找來《聲夢》學員接受「See See TVB」FB專頁訪問,分享參賽的感受,當日比賽晉身4強進入總決賽的何晉樂(Rock)是其中一位,在訪問中他坦言感覺像發了一場夢:「冇諗過個節目會咁成功,估唔到比賽係會令人忍唔住想喊,本身比賽就係你同我鬥,你死我活架嘛!」

何晉樂坦言從比賽至今,感覺像發了一場夢!
何晉樂坦言從比賽至今,感覺像發了一場夢!
何晉樂很期待拍劇。
何晉樂很期待拍劇。


Rock還說:「諗番嗰陣入咗去第一round,可能開始有少少成績,俾咗信心我繼續行落去,加上認識咗佢哋14位,更加令到我係唔想走,好想一齊行落去。邊個foul咗大家也唔願意,會鬧導演點解要foul呀?明明唱得好好,捱鬧最多係導師,邊個被foul都一定係佢哋嘅錯,冇一個人係應該被foul。」重看3個月前的影片,Rock說:「而家比以前有自信,唔會再諗埋一邊,做每一件事都盡力去做,諗最好嘅結果,即使感覺條路係難行,就努力一點,見到身邊有咁多可以幫到自己的人,點解唔開口問一聲呢?呢條路係一定難行,但遇到14個咁好嘅朋友,呢條路唔孤單。」

覺得自己得到比失去還要多!
覺得自己得到比失去還要多!


有否曾經想過退縮及卻步?Rock說:「一定有,成件事唔係咁簡單,鍛煉,呢個係一個鍛煉,成件事對我嚟講,失去嘅嘢係好少,有好多嘢係要取捨,可能你入咗嚟呢度,錯失咗出面好多機會,但係你唔入嚟呢度,錯失嘅機會係會更加多。」他續說:「如果你係想入呢一行,想唱歌同做創作,其實你可以入嚟試吓,呢度係一個好好嘅起點,勇敢啲行多步。」至於將來的計劃,Rock說:「我好想好想快啲有自己嘅歌,好想寫歌俾身邊嘅人,好想同好多人合作,其中一個係蓮姐,好多嘢想挑戰,仲有拍劇,初初係好抗拒,覺得又要學多啲新嘅嘢,唔知要啲古裝劇又或者超時空,但係而家見到啲劇集,又覺得好有趣,揣摩吓角色又好興奮。」

關鍵字

最新回應

關鍵字

相關新聞

熱門文章