好奇參賽改變了一生　炎明熹：冇諗過會行到呢個地步

炎明熹（Gigi）在TVB歌唱比賽《聲夢傳奇》中，以大熱姿態成為三料冠軍，日前應「See See TVB」FB專頁邀請，以大師姐身份呼籲大家報名參加第二屆《聲夢》比賽。主持人安排Gigi重看三個月前拍的一段短片，片中的Gigi問三個月的自己還好嗎？有否發呆？希望自己可以笑多一些，世界會更美妙，Gigi搞笑地說：「一啲都唔好，仲有發（緊呆）！」

其後主持又問到Gigi在這幾個月的轉變，她說：「髮型變咗，不過正經啲嚟講，應該係成熟咗。我係一個成熟嘅人，點解覺得自己成熟咗？其實冇得覺得點解，可能係個比賽，有陣時喺個比賽入面啲嘢未如理想，但要學識接受，因為次次玩法、各樣嘢都唔同，所以就算失敗咗或者成功咗，我覺得自己年紀又大咗少少，心智成熟又成熟咗少少，所以我覺得而家我係百毒不侵。」重提當日為何要參加《聲夢》，Gigi笑說：「係因為喺電視睇到個太空人，我起初唔覺得呢個係唱歌比賽，太空人又關唱歌比賽事？ 好好奇咁我就參加囉，仲係一個咁好嘅機會，同埋係唔使錢。」再問有否後悔過參加比賽，Gigi說：「咁又冇喎，因為覺得好新奇，每次做嘅嘢都唔一樣，所以係冇乜後悔，唔係，係冇後悔！可能係第一次拍嘢，同埋個個髮型係99度轉變，唔係，係360度！」

Gigi又表示在比賽初期，對自己很有自信，亦發覺其他人一起進步中：「有陣時我去到啲樽頸位，好似又要行前，好似行唔到，行後又行唔到，好似kick住咁，所以冇諗過會行到呢個地步。」她又說：「我將以前參加比賽啲經驗都有運用喺今次，但係今次又好似好唔同，可能留喺拍攝同日常生活用。」將來的計劃，Gigi希望可以繼續做好唱歌這件事：「呢件事的確係比較擅長嘅嘢，之後再學好啲自己嘅興趣，可能結他要做好啲。」Gigi亦即場呼籲未報名的朋友：「雖然喺呢個比賽入面，你參加緊嘅嘢都未如理想，但係只要你個夢想喺度，人生咁多機會畀你嘗試，點解你唔嘗試呢？」