獎賞家姐去主題樂園 劉倩婷讚李丞責廿四孝爸爸
2021-06-01 19:30 
09年港姐冠軍劉倩婷（Sandy）今年3月為著名堪輿學家李丞責博士誕下二女李紳希（Felicia），一圓5歲大女李阡辰（Eldora）做家姐的夢想。產後忙於照顧B女的Sandy，日前見疫情好轉，同老公撇下細女帶Eldora去主題樂園玩！
當日劉倩婷陪大女李阡辰玩完「小飛象」，丈夫李丞責博士又陪囡囡坐旋轉木馬，一家三口還於城堡前留影，相中見Eldora舉V兼笑到瞇瞇眼，玩得十分盡興！事後接受《頭條日報》記者訪問，Sandy表示近日見Eldora努力讀書，又經常幫忙照顧細妹，故特意帶她去主題樂園玩，當作獎勵對方做一個好姐姐。問到細女李紳希未有同行，出門一整日可有掛住B女？她說：「沒有，因為家中有一位細心嘅陪月姐姐，所以非常放心多啲時間陪伴大女。」
提到現時要照顧兩位千金，未知李博士可有充當「得力助手」幫忙湊女？Sandy冧爆道：「因為我而家多咗時間照顧細女，爸爸就多啲時間陪伴阡辰，每日返學放學都係佢負責，學校嘅家長及老師都讚佢每日都係第一個去接放學。」Sandy對呢位廿四孝爸爸讚不絕口。
關鍵字
最新回應