努力做GYM有成果 顧定軒約袁澧林打沙排晒微肌

夏日炎炎最啱就係去沙灘玩，呢期開始做GYM的顧定軒（Zeno）約埋唱作歌手黃凱逸（Zelos）及文青女神袁澧林（Angela）去海灘打排球。


今次係繼Zeno主演以排球為主題嘅ViuTV劇集《男排女將》後，事隔半年俾Fans睇佢打排球嘅英姿，見Zeno跳高接波有哂姿勢咁，技術一定無生疏！玩吓打排球又會同朋友愛犬「薯餅」玩拋飛碟，都幾忙。最重要係做GYM有啲成績，開始有啲肌肉的Zeno將打波英姿分享上社交平台！Fans排住隊叫佢阿KING(《男排女將》角色名)，睇嚟大家都好掛住力圖喎，ViuTV快啲拍續集啦。