加碼7位數疫市搬舖擴展　楊柳青獲男友支持： 佢係我最忠實粉絲

最近榮升健身中心老闆的楊柳青（Wiyona），日前以教練身份出席由香港社會創投基金（SVhk）聯同BOOKYAY合作的慈善活動「WE! Tabata TOGETHER!」，率領一眾運動愛好者在灣仔渡輪碼頭的海濱主題區「HarbourChill海濱休閒站」，進行一小時高強度間歇性運動，而所得善款將全數捐給慈善機構「全城街馬基金會（RunOurCity Foundation）」。

Wiyona表示今次活動挑戰不大，她說：「第一次喺戶外進行公開嘅大型做運動活動，平時自己都有做開運動，最鍾意喺露台度做，本身怕凍唔怕熱，享受出一身汗感覺。」自認粗魯的Wiyona又謂最愛操腹肌和pat pat，務求練出女性的曲線美。問到疫情下健身中心生意可有受影響？她坦言關門時間比開門時間多，收入的確大大減少，但Wiyona仍打算加碼投資7位數，在逆巿搬舖擴展：「而家間舖太細，空間不足，加上地區問題，所以會搬舖，正喺銅鑼灣物色緊新舖。」

幸而幕前工作尚算理想，Wiyona透露將有機會返內地拍網絡電影，問要兼顧生意和幕前工作，可會忽略陪外籍男友？她說：「男友非常支持我嘅工作，喺生意上，男友亦分享唔少經驗畀我，佢都成日要周圍飛，但小別勝新婚，佢係我最忠實粉絲，而家佢晚晚陪我一齊追睇我有份演出嘅《逆天奇案》。」