星島日報

【獨家】感動香港終於有新偶像被熱捧 Ben Sir拒做「廢老」支持創新

2021-05-27 19:18
Ben Sir話明撐姜濤及「折骨Ben」(趙祥誠)。
Ben Sir話明撐姜濤及「折骨Ben」(趙祥誠)。

53歲嘅歐陽偉豪(Ben Sir)拒做「廢老」,近年更開《戲B》YouTube頻道成為網絡紅人。Ben Sir表示撐硬ViuTV呢班年青人:「呢班人真係紅,要包容呢啲娛樂文化,點樣去蕪存菁,成日話要創新,要創新就要去學人哋嘅新嘢。」採訪:方騫平 攝影:梁志明

Ben Sir話明撐姜濤及「折骨Ben」(趙祥誠)。
Ben Sir話明撐姜濤及「折骨Ben」(趙祥誠)。
作育無數英才嘅Ben Sir一向眼光獨到,他好欣賞姜濤、「折骨Ben」、ERROR、MIRROR等呢班充滿熱誠及幹勁嘅年青人。
作育無數英才嘅Ben Sir一向眼光獨到,他好欣賞姜濤、「折骨Ben」、ERROR、MIRROR等呢班充滿熱誠及幹勁嘅年青人。

Ben Sir最近拍緊TVB外判劇《凶宅清潔師》,雖然身在TVB但仍然夠膽出po講ViuTV,更開到口鍾意姜濤及「折骨Ben」,問他可擔心被TVB「滅聲」,他即說:「我同佢哋行得唔埋,連佢哋真人都未見過!只不過佢哋係巨星,唱歌跳舞好,我係粉絲,我呢啲小Ben Ben level要向佢哋學習,對我嚟講佢哋係前輩,有幾多嘢就學幾多。」

接納批評先有進步
聽張國榮及羅文嘅歌長大的Ben Sir肯定姜濤及MIRROR的地位,「我哋好睇實際數字,佢哋嘅view數真係高,而且演唱會又咁勁。最感動嘅位係,可以出到大家都熱討嘅巨星,成個演藝界應該思考呢個嚴肅嘅課題。」對於ViuTV節目《ERROR自肥企画》爆紅,但被資深傳媒人查小欣喺專欄狠批「糖衣包裹着大玩低俗、不雅的內容」,並質疑作為免費電視台的社會責任。Ben Sir對此又有話說:「咁夠有啲人攻擊Ben Sir出粗口書係教壞細路啦!冇嘢嘅,講到第3日就冇嘢講啦!批評一定會有,始終每個人價值觀唔同!想娛樂圈興旺啲要多啲包容呢啲娛樂文化,點樣去蕪存菁,成日話要創新,要創新就要去學人哋嘅新嘢。我係撐呢班年青人,希望我撐佢哋之餘,佢哋都撐返我啦!互相撐,娛樂圈先會有進步。」

舞王「折骨Ben」(趙祥誠)謙稱有好多地方唔夠好,更向Ben sir承諾會努力。
舞王「折骨Ben」(趙祥誠)謙稱有好多地方唔夠好,更向Ben sir承諾會努力。
Ben Sir話姜濤除咗靚仔仲跳得又唱得,性格亦好。
Ben Sir話姜濤除咗靚仔仲跳得又唱得,性格亦好。

MIRROR演唱會咁勁,Ben Sir睇片都感受到氣氛。
MIRROR演唱會咁勁,Ben Sir睇片都感受到氣氛。
最近Ben Sir跟傅嘉莉合作拍緊TVB外判新劇《凶宅清潔師》,劇中佔戲都唔少。
最近Ben Sir跟傅嘉莉合作拍緊TVB外判新劇《凶宅清潔師》,劇中佔戲都唔少。
Ben Sir開咗《戲B》YouTube頻道,之前搵嚟「寒流女」Annabelle合作《Channel原來需要女》。
Ben Sir開咗《戲B》YouTube頻道,之前搵嚟「寒流女」Annabelle合作《Channel原來需要女》。
《ERROR自肥企画》爆紅卻受人批評,Ben Sir表示人紅是非多!
《ERROR自肥企画》爆紅卻受人批評,Ben Sir表示人紅是非多!

最新回應

關鍵字

相關新聞

熱門文章