【独家】感动香港终于有新偶像被热捧 Ben Sir拒做「废老」支持创新

53岁嘅欧阳伟豪（Ben Sir）拒做「废老」，近年更开《戏B》YouTube频道成为网络红人。Ben Sir表示撑硬ViuTV呢班年青人：「呢班人真系红，要包容呢啲娱乐文化，点样去芜存菁，成日话要创新，要创新就要去学人哋嘅新嘢。」采访：方骞平 摄影：梁志明

Ben Sir最近拍紧TVB外判剧《凶宅清洁师》，虽然身在TVB但仍然够胆出po讲ViuTV，更开到口锺意姜涛及「折骨Ben」，问他可担心被TVB「灭声」，他即说：「我同佢哋行得唔埋，连佢哋真人都未见过！只不过佢哋系巨星，唱歌跳舞好，我系粉丝，我呢啲小Ben Ben level要向佢哋学习，对我嚟讲佢哋系前辈，有几多嘢就学几多。」

接纳批评先有进步
听张国荣及罗文嘅歌长大的Ben Sir肯定姜涛及MIRROR的地位，「我哋好睇实际数字，佢哋嘅view数真系高，而且演唱会又咁劲。最感动嘅位系，可以出到大家都热讨嘅巨星，成个演艺界应该思考呢个严肃嘅课题。」对于ViuTV节目《ERROR自肥企画》爆红，但被资深传媒人查小欣喺专栏狠批「糖衣包裹着大玩低俗、不雅的内容」，并质疑作为免费电视台的社会责任。Ben Sir对此又有话说：「咁够有啲人攻击Ben Sir出粗口书系教坏细路啦！冇嘢嘅，讲到第3日就冇嘢讲啦！批评一定会有，始终每个人价值观唔同！想娱乐圈兴旺啲要多啲包容呢啲娱乐文化，点样去芜存菁，成日话要创新，要创新就要去学人哋嘅新嘢。我系撑呢班年青人，希望我撑佢哋之馀，佢哋都撑返我啦！互相撑，娱乐圈先会有进步。」