【最佳禮物】閃嫁個半月今宣布懷孕　余香凝感激上天賜予小生命

2020-12-25 12:48

聖誕喜事一單接受一單，繼今晨胡杏兒宣布第三度懷孕，緊接上月閃嫁40歲圈外男友陸政渡（Tim）的27歲余香凝（Jennifer），剛才也於IG貼出夫婦溫馨摸肚照，並留言公布升呢準媽媽了，她寫道：「All I want for Christmas is YOU, Merry Christmas. 謝謝上天賜給我們最好的禮物。#感恩 #小生命 #MomToBe #DadToBe」好姊妹陳詩欣隨即搞笑回覆自稱「契媽to be」，而冇耐前才跟Jennifer一齊開工的周志文驚嘆：「收得好埋喎，嗰日同你做嘢都唔係好覺。」

事後Jennifer以短訊回覆傳媒：「好多謝大家嘅祝福，收到好多人嘅祝福，其實到而家每日都覺得好奇妙，因為有個小生命喺我肚入面，好感恩！我同老公都好開心，希望BB健健康康肥肥白白，都祝大家身體健康、聖誕節快樂！」然而自傳出婚訊以來，外間已一直盛傳Jennifer奉子成婚，惜面對傳媒提問，10月底她仍避談，未有承認或否認大肚傳聞，而一班閨密亦有默契地「封嘴」扮唔知，等到今日她終於宣布好消息了。