【聖誕節】為粉絲炮製聖誕禮物鄧佩儀邀王梓軒翻唱情歌獲讚有進步

2020-12-23 19:13

最近王梓軒(Jonathan）及鄧佩儀（Gloria）翻唱情歌《梁山伯與茱麗葉》，原來係Gloria特地邀請了《機場特警》情侶拍檔Jonathan合唱，用嚟送畀粉絲嘅聖誕禮物，梓軒仲做埋MV男主角。為趕及聖誕節前出歌，整個過程錄音、mixing加拍MV，不足兩星期便完成，雖然時間倉卒，但製作認真，為了營造氣氛，錄音時，Jonathan把錄音室的燈光全熄掉，成功在3小時內完成。兩人又借了過萬呎的私人會所拍攝MV，Jonathan更即席加插舞步，與Gloria雙雙起舞，令MV生色不少。

Gloria說雙方很有火花：「因為疫情下大家都要留喺屋企，我想送份特別嘅聖誕禮物畀佢哋，所以我揀咗首台灣經典情歌〈梁山伯與茱麗葉〉翻唱，錄音時，Jonathan錄咗自己部份先，我聽住佢把聲，嘩！超好聽呀！」

而Jonathan就話：「呢首係曹格同卓文萱嘅歌，佢哋同我有啲淵源，十年前本來有機會同原唱者卓文萱合作，但當時撞咗嘢做，估唔到有緣可以翻唱，而今次Gloria搵我合唱我都有驚喜，佢唱功有進步啦！」獲讚Gloria好開心：「喺錄音室好似上咗唱歌班咁，原來我把聲可以有另一個texture，好興奮呀！所以錄音之後嗰幾日，我著咗火咁不斷用唔同方法去唱歌。」她更想同Jonathan合唱多幾次，Jonathan就叫Gloria請食飯，因為台慶頒獎禮，他會為Gloria拉票，Gloria卻笑說：「投晒畀阿銀(鄧角色)可以喇！」