被愛的宣言搞到眼濕濕 余香凝出嫁隔住口罩錫老公

余香凝（Jennifer）跟男友陸政渡（Tim）婚禮於尖沙咀一間酒店舉行。一對新人於早上約9時30分步出酒店，隨即乘坐勞斯萊斯花車行大運。期間打開車窗給記者拍照，Tim緊緊拖著新娘子。

Jennifer表示因安全理由拒絕除口罩，她跟Tim帶著口罩拍照，更應記者要求隔著口罩接吻。隨後，姊妹團余潔瀅、廖子妤、陳詩欣及鄧穎堯除下口罩跟Jennifer合照，更即場親吻新娘子。

Jennifer單獨接受訪問，她稱昨晚只睡了2個小時，整晚反覆練習誓詞，雖然自己是幕前，但結婚畢竟是人生大事坦言有點緊張。她笑說：「雖然唔係好耐無見老公，但係噚晚我都好掛住佢。」

Jennifer提到有數個感動位。媽媽替她著裙褂時，因為有點不捨。她說：「派利是畀每一位姊妹都都有講祝福說話，大家由細識到大，佢哋見證我人生一大步，亦因為佢哋盡快嫁。」問到花球會給哪個姊妹？她笑說：「好難揀，個個都想佢哋拎，我會盡力掟出去，佢哋盡力去搶。」

談到玩新郎環節，Jennifer透露有份參與構思遊戲，但只能隔著房門聽聲。她說：「愛的宣言我好滿意，令到我眼濕濕。估唔到老公會唱我首《簡單情歌》，好少聽佢唱歌，要佢唱歌好似玩佢咁。」問到老公多少分？她笑說：「如果100分係滿分，佢一定超過100分！唔係都唔會嫁畀佢啦！」談到老公相當怕羞，她笑說：「我就係鍾意佢怕怕醜醜，佢每件事都會問過我。」問到是否全力造人？她笑笑說：「我會好努力，好努力，好努力㗎喇！一有好消息就話畀大家知。」