【維港會】女童買27蚊文具 老闆疑呃錢收50僅找回2蚊

小朋友獨自買東西，有時會遇到不誠實的店主趁機「呃錢」。有筲箕灣街坊就目睹一名文具店老闆，「偷雞」收多小朋友20多元，街坊看不過眼出聲，老闆才認「找少咗」，令該名街坊怒斥「一個大男人大老闆竟然呃小朋友錢！」

有網民在「筲箕灣人筲箕灣事」Facebook群組分享，到一家商場的文具店影印，見到一個小女孩大概7、8歲，手上一張50元和一張10紙幣，同埋少少散銀，買一個改錯帶和一個泥膠玩具，總值27元。

網民指，女童應該不會計數，就將全部錢給了老闆，「但佢將自己所有散子俾晒個老闆，個老闆已經check咗一次啲錢，佢竟然收佢50蚊紙幣找返兩蚊比佢」。見到老闆明顯收多了錢，網民就即刻問他「唔係27蚊咩？」，然後老闆才說「哦找少咗俾你𠻹」。

事件引起熱議，不少網民都批評「細路錢都呃」、「個細路女信任大人，可惜個大人太cheap」、「好彩細路女撞到正義有心人，給樓主一個大大讚」，也有一些街坊批評該文具店一向態度不佳。