【維港會】介紹朋友入職竟常遲到「射波」 事主呻與上司關係變差

返工有朋友一齊的確幾開心，多個人陪，又可以得閒吹下水，但係如果個朋友問題多多，仲令到自己同其他同事關係變差，都真係幾麻煩。近日，有事主介紹朋友入自己間公司做，但朋友竟日日遲到，更一個月請4至5日病假，令事主同上司關係變差。

事主於Facebook專頁「辦公室日報」投稿，指自己永遠都唔會再介紹熟人去自己公司做。她指今年年初與朋友食飯時提及公司請人，其中一個朋友Jade表示有興趣，於是叫事主介紹。入職後不久，Jade已經常遲到，其他同事問事主「喂，你個friend仲未返嘅？」，令佢覺得自己好似監護人，Jade仲成日將事主的私事同其他同事講「唱我之前畀條仔飛，又話我同父母成日鬧交，連我經期唔準都周圍同人講」。到佢忍唔到同Jade攤牌，Jade只是回覆「好小事咋喎！好啦好啦！下次唔講。」

直到有一次Jade連續請咗4日大假，好多同事問網友，Jade發生咩事，結果Jade竟然同網友講「我搵咗份新工呀！諗住no show幾日等炒」仲講明唔想賠錢畀公司。

事主當時與其他朋友商量後打算第二日與上司講，點知原來Jade已經私下同上司講，「仲係反晒面潑婦駡街嗰隻，佢同上司講唔會賠人工，會選擇曠工直至公司炒佢」，Jade仲同上司講事主已經知道，搞到「上司對我嘅印象已經好差，直至呢一刻，我同上司嘅關係已經修補唔到。」

不少網民紛紛替事主可憐，指「睇到都好嬲」，「好人難做」。亦有不少網友指曾有相類似的經歷，「我試過介紹朋友入公司，比佢唱到體無完膚。佢做左2個月，老細叫我小心佢，佢唔會係我朋友，仲叫老細炒左我。」，及「我都係以後都唔會叫識嘅人做同公司，10次有9次都會出事」。