【死因研訊】抹車女工指傷者瞓咗喺地 身旁兩少年「呆咗望住佢」

科大生周梓樂死因研訊今日續審，死因庭傳召2名在尚德停車場工作的抹車女工。其中一人稱，事發時她在石壆休息，但突然見到行人路上「有個人瞓咗喺到」，他身旁兩位少年則「呆咗望住佢」。

在尚德停車場工作的抹車女工尹攜珍供稱，去年11月3日晚上7時許，她在停車場工作時「見到好多人行嚟行去，有年輕人有老有嫩」，但她沒有理會，自顧自地工作。

在二樓高層工作至翌日凌晨約12時40分，她突然聽到火警鐘響，但沒有見到濃煙或嗅到煙味。不久後她差不多完成工作，在靠近尚德商場位置見到「少少煙」，她便「拿拿聲推架車落細2樓（2樓低層）」，將手推車泊在𨋢口，「攰攰哋坐咗上石壆（傷殘車位矮牆）」。當時她身旁是行人路。她見到旁邊有兩個年輕人，但由於不時都有人在停車場把酒談天，所以她沒有理會。但當天她「坐咗喺度好耐都唔見佢哋有傾計」，覺得「咁得意嘅，點解咁耐佢哋兩個都唔出聲呢」，轉身一望，發現「咦，有個人瞓咗喺到，郁都唔郁」，而兩位年輕人距離周梓樂兩三個身位「呆咗望住佢」，「個樣唔係好寬容」。

當時停車場2樓「左右都無人」，她心想「哎呀，無人我就要打電話啦」，但不久後兩名消防員出現，她馬上前求助謂：「有人跌咗喺到啊！」，並帶二人到傷者位置。尹續指，傷者有人處理後「我個心舒服咗啦」，於是站了在一旁，其中一名年輕人對她微笑，「好似好開心咁」，她之後致電同在停車場工作的女兒，叫她「我哋走啦」，因為「我個心都有少少驚」。

尹在等候女兒期間，見到3個義務急救員乘搭升降機到來，她心想「又咁快喎，但係又見唔到擔架床」。

尹在裁判官查官查問下補充，當日由她從2樓高層走到低層，直至見到傷者期間，她都沒有見過警察出現。有陪審員問她當時有沒有行近望過傷者，尹表示「無啊，我哋呢啲做咗咁耐唔會想理呢啲㗎，只係盡責」加上「自己都有啲驚驚哋」。

尹攜珍的女兒尹雪嵐則供稱，她在12時40分在尚德停車場A場聽到火警鐘響，有紅燈閃爍，但沒見到火警。之後她沿天橋到富康花園繼續工作，當時天橋「好多人企喺度」，但見不到警察。她於1時11分返回尚德停車場 A場會合母親，1時25分離開到B場工作。尹雪嵐又肯定地稱，當日火警警報是「假嘅」，因為她前往富康花園前，在A場2樓見到「有條喉俾人拉咗出嚟掉咗喺地」。

法庭記者：張旭珊