【新片鬥戲鬥體力】周柏豪嘗盡飛車鎗戰戲嗌爽　53歲謝天華自虐式被毆感過癮

被喻為《無間道》後最令人期待「港式臥底電影」、由謝天華、周柏豪及連詩雅（Slhiga）主演的新片《無間行者之生死潛行》將於11月19日上映，當中更結集多位實力派資深演員坐陣，包括許紹雄（Benz）、呂良偉（呂哥）陳啓泰、黃德斌、吳毅將及張柏文等。片中，天華和柏豪分別飾演黑幫及反黑隊要員兩個黑白殊途角色，然而兩人真正身份，卻是雙方安插在對方陣營的臥底！

對於今次在多場社團群戲中，不停大打出手，53歲的天華也笑言接拍該片簡直是自虐，他說：「今次拍攝動作場面相當疲累，因為唔係打人，係無限量咁捱打，俾人打到停唔到，體力上係非常之攰。不過同到一班好戲之人好似呂哥、Benz哥對戲，仲有同柏豪互相試探、衝突，過足戲癮，幾攰都值得！」與天華首次合作的柏豪直言：「好珍惜同天華哥合作，對我嚟講係一個好好嘅機會。雖然我哋兩個人嘅角色係對立狀態，但埋位前都會傾計培養默契，所以拍攝時氣氛都好愉快。今次仲要係我第一次喺電影入面情緒起伏咁大，特別難忘。」

提到在《無》片中，飾演的「段一凡」獲黑道中人陳啓泰一手裁培，由大學生演到總督察，再由「黑漂白」，與代表作《使徒行者2》中「樂少」一角反差極大，柏豪坦言一直期待接拍如此男人味濃的電影，他說：「今次參與《無間行者之生死潛行》特別爽，因為可以一次過感受哂港產片最強嘅戲碼，好似飛車、追捕同鎗戰場面！希望觀眾都可以入戲院爽下減下壓！」