期待同姨甥仔過聖誕 JW疫情後首出席公開活動好緊張
2020-11-11 16:16 
王灝兒（JW）為聖誕節燈飾啟動禮擔任嘉賓，首度出席聖誕燈飾活動的JW非常感激商場邀請，最重要是疫情爆發以來的首個公開活動，坦言唱歌時非常緊張。
問到點過聖誕節?JW坦言因疫情關係沒有太多計劃，但相當期待跟姨甥仔一齊過。她笑說：「我買咗好多衫畀佢，佢一定著唔晒。家姐老公好高，佢依家兩個月個身已經長到6個月咁。」提到男友Tarzan同樣高大，未來BB可以繼承姨甥仔的舊衣服。JW怕醜笑說：「我相信家姐生第2個BB都可以再著，哈哈！」
此外，JW透露即將拍攝無綫新劇《逆天奇案》（暫名），對此感到非常興奮亦開始積極減肥。她說：「我係做其中一個單元， 並唔係報道講做女一，不過我已經好開心。」問到劇中可有親熱場口？她笑說：「無呀！我識做，會避免。（男友呷醋？）如果我男朋友都係做呢行，我都唔想佢錫第2個女仔啦！」
關鍵字
最新回應