【維港會】被床蝨咬無法入睡 港媽指外傭著二手衫惹禍

2020-11-11 15:44

港媽早前發現外傭因買二手衫而導致家中出現大量床蝨。FB群組「香港僱主討論區」圖片
港媽早前發現外傭因買二手衫而導致家中出現大量床蝨。FB群組「香港僱主討論區」圖片

睡覺時若被床蝨騷擾,徹夜難眠不好受。近日一名港媽抱怨指外傭愛買二手衫,惹來過百床蝨,令她經常被床蝨咬,無法入睡。

一名港媽前日在FB群組「香港僱主討論區」發文,指早幾個月前就發現房間內有床蝨出沒,港媽曾懷疑是外傭之前買二手衫帶回來的,但外傭謊稱那些衫是新買的,又指自己於2星期前才發現有床蝨,所以港媽一直以為是他們去酒店「Staycation」惹回來的。「我哋幾個月前發現我間房有床蝨,工人一直沉默,扮唔知,我有懷疑係佢,因為之前成日1袋2袋衫帶返嚟屋企。琴日大清自己房時問過佢,佢死都唔認係二手衫,話係新衫嚟,又話唔知點解有bed bugs,咬到佢成身都係。我問幾時開始,佢話2星期前,我哋房就5、6月就有,我以為可能係我哋staycation惹返嚟」。

港媽指連牆壁都有床蝨,十分恐怖。FB群組「香港僱主討論區」圖片
港媽指連牆壁都有床蝨,十分恐怖。FB群組「香港僱主討論區」圖片
FB群組「香港僱主討論區」圖片
FB群組「香港僱主討論區」圖片

懷孕的港媽於上周日終於忍受不住,決定在自己房間進行滅蟲工作,但床上並未發現太多的床蝨。直到清理外傭的房間時,驚覺房間內有大量的床蝨,就連牆壁都有,而床上至少有過百隻床蝨。港媽指這些床蝨明顯不是這2星期才有的,港媽大感憤怒,隨即將外傭的床、二手衫通通扔走,又命令外傭停工,他們要先為房間徹底滅蟲,「我大肚,晚晚咬到瞓唔到,忍無可忍,琴日徹底大清洗喺自己房滅蟲,但是無發現太多蟲。咁啱又買新床,今日要清工人房,我哋發現佢房有大量bed bugs,張床有過百隻,牆角上面全部都係,極度嘔心。擺明唔係2個星期前有,日績月累咗好耐先有咁多,我即刻叫佢清曬d衫,我同老公清走佢張bed bugs床,唔使返工,我要徹底大滅蟲佢間房」

港媽在帖文中抱怨指,她已經用了2000多元來滅蟲,又無暇照顧小朋友,一家人被迫要到酒店暫住,使費極大。港媽斥外傭態度惡劣,「最叻乜都唔承認。其實我可否叫佢賠償?搞到我間屋咁」。

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad