阿媽出街被人撞跌落地受傷 陳健安IG尋人:「我唔會放過你」

陳健安（On仔）最近積極準備演唱會，日日都好忙，忙操fit自己，但他不忘關心媽媽近況，因為On仔媽媽日前被人撞跌受傷，對方更不顧而去。On仔在IG Story指：「10月3日下午2:45，我媽媽喺屯門河傍街M記附近過馬路，點知俾一個拉買餸車仔嘅人嘅車kick跌咗落地，擦損左手踭，撞傷膝頭哥。嗰個人道歉都無即走，有一對好心嘅母女嗌住嗰個人，越嗌越走。先多謝母女扶我媽媽。唔好以為走咗就無人知，唔使負責任，人在做，閉路電視在看，單車被人偷我都搵得返，你整親我阿媽，我唔會放過你。」並呼籲當日見過肇事者的人聯絡自己。

老人家跌倒可大可小，而且對方不顧而去，連say sorry都冇，難怪On仔又緊張又嬲。一向孝順的On仔上月才為媽媽慶生，大嘆海鮮餐之餘還自製日式草莓蛋糕，錫到媽媽燶的他又怎會坐視不理！