曾淑雅去泳池包到冚冇嘢睇　32C陳詩欣低胸上陣心口脹卜卜

現年27歲的陳詩欣（Eunice）近年憑TVB旅遊節目《3日2夜》成功彈出，更獲網民封為「一件頭女神」！雖然疫情下無法外遊拍攝新一輯《3日2夜》，但宅男們都唔使灰心，事關她早前加入J2台王牌節目《姊妹淘》，與曾淑雅（Jumbo）、蔡嘉欣（Kayan）等索女，繼續於節目中，以性感泳衣大晒長腿、靚股及事業線！趁天氣轉冷前，今日（5日）Eunice就跟Jumbo一起隨攝製隊到港島一間五星級酒店取景，除了嘆米芝蓮三星級中菜、在酒店房內欣賞維港景色外，當然唔少得到泳池Show吓Body、Chill吓啦！

剛才Eunice就上載了幾段拍攝花絮，其中一段，穿上Sharp Orange低胸一件頭的她在池邊撥弄長髮，盡晒32C深長事業線，她笑言：「出鏡率勁高的一套泳衣，也是我最鍾意的泳衣。#姊妹淘 #又去staycation #今次去邊呢」一眾網民紛紛留言讚正：「脹卜卜」、「仙女下凡」、「好靚女」等。另一條片，就影到Jumbo瞓喺沙灘椅上玩自拍，惜擁33C上圍的她今次卻心口包到冚，認真失色！