阿妈出街被人撞跌落地受伤 陈健安IG寻人:「我唔会放过你」

陈健安（On仔）最近积极准备演唱会，日日都好忙，忙操fit自己，但他不忘关心妈妈近况，因为On仔妈妈日前被人撞跌受伤，对方更不顾而去。On仔在IG Story指：「10月3日下午2:45，我妈妈喺屯门河傍街M记附近过马路，点知俾一个拉买餸车仔嘅人嘅车kick跌咗落地，擦损左手踭，撞伤膝头哥。嗰个人道歉都无即走，有一对好心嘅母女嗌住嗰个人，越嗌越走。先多谢母女扶我妈妈。唔好以为走咗就无人知，唔使负责任，人在做，闭路电视在看，单车被人偷我都搵得返，你整亲我阿妈，我唔会放过你。」并呼吁当日见过肇事者的人联络自己。

老人家跌倒可大可小，而且对方不顾而去，连say sorry都冇，难怪On仔又紧张又嬲。一向孝顺的On仔上月才为妈妈庆生，大叹海鲜餐之馀还自制日式草莓蛋糕，锡到妈妈燶的他又怎会坐视不理！