【有聲Post】老公53歲牛一大晒 蒙嘉慧甘願被鄭伊健叫肥婆

鄭伊健同蒙嘉慧結婚7年，兩人有別一般娛圈夫婦，唔興將私生活放上網，鄭太有社交平台但唔會成日Update，鄭生個社交平台全部同工作有關，你想知佢今晚食乜餸或去咗邊度玩，咪使旨意。

今日鄭太貼咗碗牛腩魚蛋米嘅相到ig，佢post食物相唔特別，因為近年佢嘅post都同食有關，不過，再望真啲，帖文原來有玄機，原來蒙嘉慧同老公去咗筲箕灣食馳名牛腩魚蛋米當早餐，食食吓好想食埋鮮油奶多，所以就問老公嘞，「老公，如果我第時變咗做肥婆呢⋯⋯」點知未講完鄭伊健已搶答：「唔係第時，已經係。」對被恥笑係肥婆，鄭太冇嬲，仲讚老公叻，因為，「一年入面你係有一日可以咁講嘢，Happy Birthday。」

成個Post都有聲，好搞笑。