為拍《超能計劃》日花5個鐘化火燒毀容妝 Rap界男神 Machine Gun Kelly信錯導演

Netflix 動作電影《超能計劃》（Project Power）上線後大獲好評，更連續多日榮登「香港本日排行榜」第一位。當中由知名Rapper Machine Gun Kelly 飾演的「火焰人」非常搶眼，當他吞下神秘超能力藥丸後，全身噴出熱氣繼而變身火人，男神靚樣接近毀容狀態，恐怖外表完全顛覆其型爆潮男形象。

尋日公開咗Machine Gun Kelly 由「靚仔」變「怪物」的幕後花絮，劇組為呈現出火人的衣服跟皮膚燒到焦黏的質感，每日都需要幫Machine Gun Kelly 花超過五個鐘頭做火燒毀容妝，期間他更不能任意走動及進食，對演員來說是個相當艱鉅的考驗， Machine Gun Kelly 不禁自嘲：「過去跟導演合作過三次，呢次咩都冇問就接拍，早知問清楚先啦！」而拍攝期間，導演忽發奇想在Machine Gun Kelly 的衣服中藏了紅光的 LED 燈片，令他四肢有如著火般閃爍，相當有心思的設計為火人塑造出更逼真的視覺效果。

《超能計劃》是奧斯卡影帝 Jamie Foxx 與荷里活新進女星 Dominique 的首次合作，兩人在戲中雖無血緣關係，卻一同出生入死、互相扶持，感情好到似親生父女。Netflix發布咗呢對戲中父女的訪談影片，Dominique 回憶拍戲第一日見到 Jamie Foxx 時，兩人在停車場相遇的情景：「佢架車啱啱泊喺我旁邊，我馬上興奮大叫『Jamie Foxx！』，佢畀我一個大大嘅擁抱，令我我覺得好安心。」Jamie Foxx 表示對待 Dominique 如親生女兒一樣，兩人不僅會在工作時鬥嘴開玩笑，也會互相分享音樂、進行 Rap 對決，他直言：「我好愛 Dominique 喺呢部戲嘅演出。」他又指：「她非常有天份！好高興見到咁年輕又有潛力嘅新星，未來我哋一定會見到佢喺台上講『謝謝影藝學院，謝謝大家！』。」