本土電影《手捲煙》重新開工錢小豪唔計酬勞撐年輕劇組

2020-06-16 16:25

由新晉導演陳健朗執導的電影《手捲煙》，屬商務及經濟發展局創意香港「首部劇情電影計劃」的第四屆大專組得獎項目。講述一個退役老兵與南亞邊青如何面對被社會遺棄的困境故事。為隆重其事，日前，監製劉國昌、導演陳健朗、無限動力代表及一眾演員包括：林家棟、張嘉年（太保）、袁富華、白只、錢小豪、杜燕歌、朱柏謙、周祉君及Bipin Karma等齊集葵涌補拍戲份，並進行開鏡拜神儀式祈求拍攝—切順利，寄願電影業界盡快復甦。

林家棟與錢小豪多年後再次合作，前者表示今次最難忘是和小豪在渡海小輪的船艙機房內進行拍攝，感覺既剛陽又壓抑，有強烈的中年男人感覺。「今次劇組好好，搵到好多景，竟然諗到喺船艙下嘅機房內拍攝。我哋需要縮起個身先可以鑽入機房，裡面好大陣油渣氣味，係一個好壓抑嘅地方，兩個男人喺入面半試探半講數，對我嚟講好新鮮。」錢小豪就補充：「嗰個場景對我嚟講有啲困難，除咗充斥着油渣味，細小嘅機房又空氣唔流通，令我係咁恰眼瞓。但首次有機會喺機房內拍攝，好有新鮮感。」

而白只在訪問中表示，今次是第一次正式與太保合作，難忘在鏡頭前被太保的氣勢震懾，亦高興獲太保稱讚為好戲之人。與跟新導演陳健朗首次合作，白只笑稱自己也是新演員：「導演好有耐心，我對電影拍攝仲有好多唔熟悉嘅地方，但係導演會耐心解釋，拍攝前亦安排多次見面去討論角色及劇情，令我呢個新演員更加有信心去演繹，拍攝時候更加精準。」

另太保再次跟袁富華合作，於上映中的電影《叔叔》中，兩位「曾經的一對」正式分開，在《手捲煙》更變成兩個敵對的反派，希望可以擦出新火花！袁富華笑稱：「最難忘係原來冇親嘴鏡頭，原本以為有太保可以再次親嘴，但係今次係另類嘅親嘴，形象與之前完全唔同，同太保兩個都非常陽剛。太保多年累積嘅經驗，一出場就氣勢如虹，再加上白只的演出，令拍攝時可以更變化多端，撞出更多男性的陰暗面。」

電影曾因疫情關係延誤拍攝，早前才為電影補拍戲份，並補回開鏡拜神儀式。劇組亦做足衛生防禦措施，在拍攝現場有充足的口罩、酒精搓手液及消毒噴霧，絕不鬆懈。錢小豪表示雖然還有零星的疫情個案，但是有幾個原因讓他堅持一定要拍攝這套電影：「第一，係香港本土電影，劇組又係香港的年輕工作者，所以我唔計酬勞決定要拍攝。而且，另一個賣點就係有一班好優秀嘅演員一齊拍攝，作為比較資深啲嘅香港電影工作者，都希望可以肩負起薪火相傳嘅責任。」家棟亦表示，大部分的拍攝地點非常空曠，戲組在非拍攝的時間都會給予演員充足的休息空間，可以避免人流聚集。