【生日快樂呀】關心妍幫囡囡搞4歲生日會 驚喜環節壽星妹第一次食糖

2020-07-24 09:00
關心妍幫囡囡搞四歲生日會,相信壽星妹妹最開心係人生第一次食糖。
關心妍幫囡囡搞四歲生日會,相信壽星妹妹最開心係人生第一次食糖。

關心妍(Jade)個囡囡楊榮心(Jovia)尋日四歲生日,因為Jovia好鍾意麵包超人,為𠱁囡囡開心,做阿媽嘅當然諗盡計仔,首先搵公司吹咗好多個麵包超人角色嘅吹氣公仔,然後再約埋長輩及親友齊為心心開生日會。

關心妍幫囡囡搞四歲生日會,相信壽星妹妹最開心係人生第一次食糖。
關心妍幫囡囡搞四歲生日會,相信壽星妹妹最開心係人生第一次食糖。
着到靚靚嘅心心一出房門就見到好多汽球同人。
着到靚靚嘅心心一出房門就見到好多汽球同人。

佈置好晒就召喚壽星女出場,戴住粉紅閃閃皇冠及着住桃紅紗紗裙嘅心心一見到個廳放晒麵包超人已經笑晒,媽媽問佢開唔開心?佢怕怕醜醜咁答開心,然後媽媽錫啖佢再講Happy Birthday,之後心心行去禮物堆,仲興奮過佢嘅關心妍捉住囡囡問佢點解咁冷靜?然後再問佢鍾唔鍾意,囡囡答鐘意,好似一般阿媽咁,關心妍再追問又幾鐘意?其實點答啫,但佢個女好叻笑笑口答好鍾意,阿媽終於滿意個答案。

媽媽拖住囡囡出場。
媽媽拖住囡囡出場。
心心好怕醜。
心心好怕醜。

全日生日會嘅最精彩環節就係壽星女食糖,有幾精彩呀?冇錯,精彩嘅地方係心心活咗4年,第一次食糖,見佢拎住支紅色棒棒糖好肉緊咁咬,阿媽即教佢要慢慢含,再問佢係咪第一次食糖,心心即點頭,然後背後所有麵包超人公仔及生日禮物都唔及口中嘅糖,最後環節當然就係唱生日歌同切蛋糕,翻查資料,心心三歲嘅生日會都係以麵包超人做主題,下年五歲生日會,關心妍要再諗吓計嘞。

關心妍拎咗一堆糖出嚟,心心即揀咗棒棒糖。
關心妍拎咗一堆糖出嚟,心心即揀咗棒棒糖。
第一次食糖嘅心心一臉滿足。
第一次食糖嘅心心一臉滿足。
眼前全部都係糖。
眼前全部都係糖。
心心再係禮物堆揀咗份大禮物出嚟。
心心再係禮物堆揀咗份大禮物出嚟。
爸爸媽媽拍晒手唱生日歌。
爸爸媽媽拍晒手唱生日歌。
生日Party嘅賓客。
生日Party嘅賓客。
好幸福嘅心心。
好幸福嘅心心。
心心三歲生日會都係以麵包超人做主題。
心心三歲生日會都係以麵包超人做主題。
心心一屋都係麵包超人物品。
心心一屋都係麵包超人物品。
關鍵字

最新回應

關鍵字

相關新聞

熱門文章