【大整蠱】被黃建東話係騙徒   鍾舒漫扮變髮呃埋鄭秀文

2020-07-24 11:00
鍾舒漫都幾好戲,成功呃到唔少圈中友好,以為佢真係剪短髮。
鍾舒漫都幾好戲,成功呃到唔少圈中友好,以為佢真係剪短髮。

鍾舒漫(Sherman)離開共事15年嘅英皇娛樂外闖,日前仲喺社交網上載「變髮」轉新look相,將多年嚟嘅金色長髮剪走變成有型黑色短髮,並留言:「終於!再見過去的我。」

 

正當大家對Sherman咁大犧性都難以置信時,今日凌晨,她以「為過去的青春留下新鮮的回憶」為題,拍片分享剪短頭髮原因,片中說:「想多謝朋友支持我剪咗呢個新髮型啦,想分享吓我點解剪呢個頭,一來係我鍾意男仔頭,二來男仔頭比較襯我性格多啲,因為我鍾意一啲中性打扮。可能大家都遇過一啲人,經歷到某個階段,想有個新開始就會有啲動作,話畀自己聽我進入一個新時間,咁我就選擇咗剪頭髮,咁呢,其實我呢幾年都經歷唔少…(開始嗚咽)其實我真係鼓起咗好大嘅勇氣呢…」此刻,有把女聲一手扯走她的假髮,話:「嘩!你個頭幾好睇喎!」Sherman就忍住笑除低入面個髮箍,撥返好把長髮後陰陰嘴笑離場,最後以笑樣emoji作結。原來剪短頭髮,轉look係大整蠱呀!不過呢段片構思都幾有新鮮,而且係幾好戲。


鄭秀文用又嬲又好笑表情符號回應,黃建東指她係騙徒,彭秀慧話感覺被騙了,當然有粉絲話不論長髮定短髮,一樣支持她。只有獨具精明眼的泳兒早已睇得穿她戴假髮,留言回應:「快D話我smart!」

鍾舒漫都幾好戲,成功呃到唔少圈中友好,以為佢真係剪短髮。
鍾舒漫都幾好戲,成功呃到唔少圈中友好,以為佢真係剪短髮。
自爆係整蠱片段,鍾舒漫成功呃到網民,一臉得戚。
自爆係整蠱片段,鍾舒漫成功呃到網民,一臉得戚。

日前她已出post話自己換咗新髮型。
日前她已出post話自己換咗新髮型。
鄭秀文原來好易信人,好易呃。
鄭秀文原來好易信人,好易呃。

泳兒日前已獨具慧眼質疑鍾舒漫係戴假髮。
泳兒日前已獨具慧眼質疑鍾舒漫係戴假髮。
黃建東取笑鍾舒漫係騙徒。
黃建東取笑鍾舒漫係騙徒。
關鍵字

最新回應

關鍵字

相關新聞

熱門文章